اۇزای‌دا اکسیژن اۆرتیمی
اوزایدا الکترولیز یولویلا سویون اکسیژن ایله هیدروژن‌ینی آییریرلار. آما بیر سورون وار، یئر چکیمی اولمادان سویون ایچینده اولوشان هیدروژن و اکسیژن حبابلاری الکترودا یاپیشیب قالیرلار، اوزایدا چکیم اولوشتورماق ایچین الکترولیز وسیله‌سینی دؤندریرلر، بو ایشلم ده چتین‌دیر. یئنی بیر بیلیمسئل مقاله‌یه گؤره یئر چکیمی اولمادان دا اکسیژن اۆرتمک مومکون.
چوخ ساده دۆشوندوگوموز مگنت ایله یئر چکیمی اولمادان اکسیژن اۆرتمگین مومکون اولدوغو آنلاشیلیبدیر.
الکترولیز اورتامیندا بیر مگنت اکسیژن و هیدروژنی اؤزونه چکه‌بیلیر، بونون سایه‌سینده او حبابلاری توپلاماق مومکون اولور.
یئر چکیمسیز دنییمی آلمانین برمن شهرینده دۆشوش کوله‌سینده اولوبدور.
گؤرونتوده الکترود اورتادا اولاراق، ساغا اکسیژن و سولا دا هیدروژن حبابلارینین مگنته چکیلمه‌سینی گؤره‌بیلیرسینیز.